Համատեղ ուսուցման հիմնական տարբերությունը անհատականից, այն է, որ մարդիկ միասին ուսումնասիրում են խնդիրը, քննարկում են այն, միասին փորձում են լուծումներ գտնել եւ իրենց գիտելիքներն են կիսում միմյանց հետ:

Այլ կերպ ասած, ուսանողները դառնում են ակտիվ գիտելիքներ ստացողներ, այլ ոչ թե պասիվ տեղեկատվություն ստացողներ
(ինչպես, օրինակ, երբ ուսուցիչը խոսում է, աշակերտները լսում են):

Այս ամենը շատ համահունչ է սկանդինավյան ժողովրդական դպրոցների գաղափարներին եւ Bildung փիլիսոփայությանը։ 

Մենք ցանկանում ենք ստեղծել այնպիսի տարածք, որտեղ կմիավորենք այդ երկու գաղափարները՝ coworking և co-learning։ Ստեղծել մի վայր, որտեղ հարմար կլինի եւ՛ համատեղ աշխատել եւ՛ համատեղ սովորել։

Սկզբի համար մենք կկազմակերպենք մի վայր, որտեղ կլինի այն ամենը, ինչ անհրաժեշտ է քովորքինգի համար, բնականաբար, այն հարմար կլինի նաև համատեղ ուսուցման համար:

Նման տարածքների ստեղծումը համայնքներում կստեղծի անհրաժեշտ ենթակառուցվածք ' ֆրիլնասերների և զբոսաշրջիկների համար Հայաստանը ավելի գրավիչ դարձնելու համար, ինչպես նաև կօգնի ինքնակրթության և ինքնազարգացման ձգտող մարդկանց: Ստեղծելով հարմարավետ տարածքներ մենք նպաստում ենք ապակենտրոնացմանը։ 

Դիլիջանի կենտրոնում, 1-ին հարկում, 100 ք․մ․ տարածքի վարձակալման հնարավորություն։ 
Անհրաժեշտ է ձեռք բերել սարքավորումներ և միացնել գերարագ ինտերնետ, գնել սեղաններ եւ աթոռներ. 
Իհարկե, այս վայրում կան և դրական և բացասական կողմեր, բայց սա արդեն մեկ այլ պրեզենտացիայի թեմա է՝ պոտենցիալ ներդրողների համար: 

Ներդրումների վերադարձի ակնկալվող ժամկետ՝ 1 տարի։